بقلم : شروق نادر احمد
في ظل الظروف الصعبة اللي بنمر بيها و ارتفاع اسعار كل حاجة للضعف من مستلزمات الحياه الاساسية زي اكل و شرب ل مستلزمات الرجل و المراة ..
٥٠٪ من الرجالة في الوقت الحالي بقت شايفة ان الست لازم تشتغل علشان تساعد ف دة كله وعلشان يقدروا يعيشوا حياه كويسة نوعا ما ..
و ان ايه يعني الست تشارك بمصروفها علي فاتورة كهرباء ولا انها تجيب اكل البيت اليومي !
و ال ٥٠٪ التانيين شايفين ان لاء طبعا الست مش ملزمة ولا مجبرة تساعد في البيت و انها لو بتشتغل ف ده ليها هي فقط و لمصاريفها الشخصية و بيرفضوا انها زي ما بنقول بالعامية تشارك بقشاية في البيت ..
و في فئة تانية من الرجالة شايفين ان الست متشتغلش اصلا علشان ده هيأثر علي البيت و الاطفال و انها تلتزم بالراتب اللي بيدخل لجوزها و تعيش عليه !
ايه الصح وايه الغلط ؟
الصح مكتوب ف كتب الدين عندنا بس احنا اللي بنكسل نقرا !
الصح هتلاقيه ف مبادئ المفروض كانت تترسخ فينا من و احنا صغيرين !
فين الرجولة اللي بنشوفها ف ابهاتنا ( الجيل القديم )
و فين الاصول و الاحترام اللي بنشوفها ف امهتنا اللي برده جيل غير جيلنا..
للاسف الجيل ده بقي عايش ف حرب ! و كله مستني مين هيكسب فيهم
الراجل نسي ان لازم يكون مسئول عن كل حاجة من الالف للياء ف مصاريف البيت بامكانياته واللي بيقدر عليه والست ميصحش تشتكي ! اقفي جمبه ولو معنويا لحد ما تكبروا سوا
و الست نسيت ان من الاصول تقفي جمب جوزك و تساعديه لو بيمر بازمة مالية ! و تكوني شاكرة علي دة و ده بيكون مش اجبار ابدا علي قد ما هو حب واحترام متبادل ..
ولو الراجل شافه اجبار يؤسفني اقولك راجع دينك و دار الافتاء بتقول ايه في الموضوع ده ..
الدنيا سهلة صدقوني بس أنتوا اللي بقيتوا تصعبوها وواخدينها جولة تشوفوا مين فيكوا هيكسب!
تحياتي
#شروق_نادر
إرسال تعليق