هبة الله يوسف محمود سند
كاتبة وفنانة تشكيلية
والمستشار الإعلامي بجريدة الهرم المصري نيوز
اليوم فتحنا المزاد
على قلب بين القلوب
قولولي الثمن كام
نفتح عليه ونشوف
البيعة جايبة ثمنها
وتستاهل بقسوة أدوس
على قلبي لحظة شراه
ماهو الحب في حياتنا
بقى بفلوس
حساب الحب في حياتنا
حساب مادي
هناخد ايه !
هناخد كام !
وهاتعدي,,
هاتعرف تخطف الاحساس؟
هاتعرف تنطفي وتداس ؟
حساب المادة في زمانا
قتل في الحب كل حماس
بقت الكلمة في حياتنا
خلاص بحساب
ها تجمع
تطرح
وتقسم
وتضرب كل قلب إتصاب
بسهم عدو بإسم الحب ،
ماهو الحب في حياتنا
صبح بحساب!،،
قولولي الحسبة يا اخوانا
مأنا فاشلة في كل حساب
وماتعلمتش أرد حبيب
بآه وعذاب ،،،
وما كبرتش ما بين أحباب
بيخفوا كل كلمة حب
و بيعيشوا في أمل كداب ،،،
لكن لو دي طريقة العيش في زمانا
هحاول أعيش
هحاول أعيش بقلب نضيف ولو كذاب
هحاول أقول بإني تمام
هحاول أضحك وجوه الروح حمم بركان
هحاول أكتم أي دموع
بضحكه تقول بصوت مسموع
في يوم البيع
هابيع قلبي ولو موجوع
هادوس عالجرح بقساوه،،
و أقابل حبي بغباوه،،
واحاول اقول لكل عميل
في يوم البيع
لغينا البيع ،،،،
ومات القلب ،،،،
ضحيه حب ،،،،
عاش عمره بيدي لغيره
وفي الآخر رحل مخدوع
في يوم البيع
...هبة الله يوسف محمود سند
كاتبة وفنانة تشكيلية
هہمہسہآتہ حہآئرة
#همسات_حائرة
إرسال تعليق