بقلم: نجلاء محمد حسيني فارس
وحشني اختلافنا
واعترافنا بالفروق بينا
بخاف المس ماضينا
لان البكا مرتبط بهناك
لسة بفوت من شارعكم
جايز تكوني ف الشباك
سهل انساكي لفترة
صعب انساكي لسنين
جربت انساكي مرة!
خدني اليكي الحنين
شديت عيوني ع الخطاوي
وَقفت قلبي ع الحدود
شاعر والكلام غاوي
وطريق الهوي مسدود
بخبي الكلام والحكاوي
والدمع يبات ع الخدودك
دايما في حزن يكسرك
ويخوفك من كل شئ
وفي حزن يخسرك كل شئ
يا اللي عرفت الطريق لكل شي
ودفعت ف حزنك كل شي
تقدر دلوقت تقولي حققت اي؟
لسة بتبكي ع اللي فات
لسة عايش ع الكلام
ودموعك بتمنع خطوتك
ف ازاي هتمشي لقدام
وعشان فعلا حبيتهم
قلبك مش ناسي اي جراح
هتبات مطرود من جنتهم
مع انك ملمستش تفاح
اعمل اي ف الفراق
والبكا ف البعاد مشروع
الليل بات مشتاق
والنسيان ف الهوي ممنوع
وانا كل ما احكي عن الاشواق
حزني يقفل الموضوع
ولان الذكريات صعبة
وعشان بخاف انام موجوع
هوعد نفسي بنسيانك
وهشوف حد يملي مكانك
وهختصر الكلام والعتاب
ولو شوفتوني بقول هنساها
اعرفوا اني اكيد كداب...
شاعره فعلاً 💜
ردحذفجميل جدا من يومك وانتي بتعملي عظمه ✨
ردحذفأزال المؤلف هذا التعليق.
ردحذف