.
كلمات الشاعر / امير علي عليوة
.
بقالك مده ما شرفتش ومافكرتش تيجي تزورني
.
ولا يكونش حور العين شغلينك عن ابنك يعني
.
عارف من غير ماتعرفني انك متهني بالجنة
.
اقعد ياعم واتهني وكفايا سيرتك ...بتشرفني
.
أنا بس لقيتني محتاجلك فقولت اكتبلك واهاجيك
.
لقيتني لوحدي من بعدك فاتمنيت تراب رجليك
.
اكيد الفردوس عندك احسن ولقاك للنبي اكيد احسن
.
بس برضوه يستحسن تيجي تحلي منامي بعنيك
.
مانت بقالك مده ماشرفتش ومافكرتش تيجي تزورني
.
مع انك كنت مواعدني تفضل معايا علي طول
.
وتكون سند ليا مهما عمري يطول
.
واديك خلفت الوعد ياعم وسيبتني ومشيت
.
من غير سلام أو عتاب او كلام
.
مش كنت تستني..طب كنت استني .احلي عنيا بيك
.
واوطي علي رجليك .... واحضنك وانام
.
من بعدك ... من بعدك يابا كل حاجه في الحياه اتغيرت
.
حتي الشوارع اللي كنت بتمشي فيها ..حتي البيوت
.
حتي الجوامع اللي كنت بتصلي فيها ..سادها السكوت
.
مابقتش عارف حياتي بعدك اعيشها يابا ولا اموت
.
حتي يوم الجمعه اللي كنت في بتلمنا وكنا بنتمرمغ فخيرك
.
مابقاش لي ولا اي معني من غير وجودك أو مع حد غيرك
.
واللي كان اجمل مافي ....اللي انت فيه
.
وفرحتك لما العيال بتتسابق لاجل يابا تبوس ايدك
.
أنا عندي درفه في الدولاب زينتها بكل الحاجات
.
سبحتك ومصحفك وكام صورة ليك وبدلتك
.
وكل يوم اقعد معاهم واكلمك وأمسك كم جاكتتك
وابوس ايديك
.
وافتح رسائل الواتس واسمع هزارك وضحكتك ..وحشتني
.
حقيقه واحده واحشتني ...يا اجمل ما فيا وحشتني
.
وكرهت حياتي من غيرك ..ياللي لحم كتافي من خيرك
.
وكرهت عيني يوم ماشافت عينك سبلت
.
وكرهت ايدي اللي غسلت ..وكفنت ..
.
وكرهت نفسي ..يوم ما نزلت دفنتك بنفسي
.
وطلعت بطولي من غيرك .....طيب تمام
.
تعالي زورني في المنام خليك تملي معايا في حياتي
.
الفاتحه بقراها كل يوم والدعوه ببعتها يوماتي
.
سيرتك الحلوة معايا ودعوتك ورضاك عليا ..وازاي انساك
.
ازاي انساك ..دانا كل يوم ابوص في مرايا
.
بشوف ملامحك ياحبيبي فيا ...
إرسال تعليق