بقلمي✍️...هبة الله يوسف محمود سند
كاتبة وفنانة تشكيلية
والمستشار الإعلامي بجريدة الهرم المصري نيوز
أنا أنثى مصرية
شأني شأن أغلب النساء
إلا من رحم ربي
تنحنى إحتراماً لمن يقدر عقلها
ويحترم أحاسيسها
وتثور كالبركان
في وجه من يهين ذكائها وكرامتها.
ويتعدى حدودها.
و يحاول التلاعب بقلبها وبمشاعرها ..
لم يكن الأمر عاديًا كما تظنون فقد أصبح عاديًا
بعد آلاف المعارك والصراعات في عقلي🤯
وآلاف الكسور والخيبات بقلبي💔
وما كنت أردد دومًا سوى أنه لا بأس
حتى أصبح البأس هو وريدي ونبضي وشرياني .
وما كنت أعلم أن البأس هو ما أحياني من رمادي
ولملم حطامي
لانهض من جديد فوق أنقاضي
ومما مررت أيقنت 🤚
أن الحب ليس سببًا كافيًا لإن نكمل مع أى شخص !
(الحب وحده لٱ يكفي)
الجمله دي أدركتها مؤخرًا
أدركتها بعد وجع وكسر وخذلان صعب اني كنت اتخيله .
- الحب مش سبب كافي لأي حاجة بالمناسبه يعنى .
الحب هو عامل مساعد للبناء والاستمرار
وليس أساس البناء.
هو الشرارة الاولي للقاء والاقتراب والانجذاب.
لكنه ليس السبب الرئيسي للاستمرار.
لٱ حب حبيب ولا زوج ولا صديق او صديقه ولا حتى أهلك اللي م̷ـــِْن دمك
الحب بكل أشكاله .
يافرحتي لما تبقي بتحبني بس مش فاهمني ، بتحبني بس مش عارف أو مش عايز تخليني سعيدة معاك وبيك ، بتحبنى بس ممكن أنام كل يوم معيطه ودموعي ع خدي ، بتحبنى بس بتعد لي عدد المرات اللى كنت فيها معايا كويس عشان أسكت فيها على الإهانه و الإهمال واللا مبالاه بيا وبمشاعري وبحياتي ومشاكلي، بتحبني وعاوزني اسكت واتغاضى عن سوء المعامله والكذب والغدر و قلة الضمير ، والابتزاز، والاستغلال المادي والمعنوي والعاطفي.
انه حب ده
ازاي ده حب
بتحبني بس مش عارف تكتفي بيا ، بتحبني بس وقت ما بحتاجك مش بلاقيك وبكون لوحدي ، بتحبني بس كل حاجه أهم الا انا ومش م̷ـــِْن اولوياتك ، بتحبني وبيننا مشاكل ملهاش حل!
طب ازاي
ماهو اصلا مفيش سعي للحل، منين هاييجي الحل!
ومفيش حاجة اسمها لو بيحبك مش هيعمل كذا وكذا هي مش قواعد.
دي مشاعر
والمشاعر لٱ تناقش ولا تحاسب ولا تقارن
اكتر ناس ممكن تقرفك في عيشتك هما الي بتحبهم وبيقولوا انهم بيحبوك .
(خدعوك فقالوا)
يوم ما يضمنوا حبك، فيضغطوا عليك اكتر بإسم الحب، وتطالب بالتغاضي والتجاهل والبقاء، بإسم الوفاء والاخلاص
لحد م وفاء واخلاص بيموتوا م̷ـــِْن العطش والاحتياج مع الاسف
_ الحب ونقطه مش كفايه !
التفاهم اهم من الحب ، الاحترام اهم بكتير م̷ـــِْن الحب، احترام وقتك وضغطك ووجعك، ورأيك.
وتتقبلهم حتي لْـۆ مختلف معاهم
يا جماعة المشاعر لٱ تناقش
الوجع لٱ يناقش
الاحتياج لٱ يناقش
الحب لٱ يقارن ولا يناقش
لانها مش قاعده دي احاسيس ومشاعر بتختلف م̷ـــِْن حد للتاني
،الأمان في اي علاقة اهم من الحب ، الثقه اهم من الحب ، انك تبقي مطمن انك مش هيتغدر بيك ولا تتساب مع اي مشكله اهم بكتير من الحب ، إنك تنام و انت تعبان و عارف إنك هتتشال فوق الرأس أحسن من الحب ، انك تبقي نايم عارف انك لا هتتخان ولا هتتهان. ولا يتلعب بيك أو تضرب في ضهرك دا اهم كتير م̷ـــِْن الحب ، انك تبقي مرتاح في طريقتك لا بتتصنع ولا بتترسم ولا في تكاليف علي اسلوبك دا اهم من الحب
أنك تقف قدام المراية حابب نفسك و واثق فيها عشان وراك حد بيدعمك. وبيقدرك وبيقدر وجودك في حياته ومقدر تعبك واستحمالك ووقفتك ومقدر حتى زعلك دة أهم مليون مَـرّھٌ من الحب صدقوني ❤
- الحب انك تشاركني واشاركك كل حياتنا "سوا" الاهتمام اهم مليون مرة من الحب .
الناس الي يقدروا يوفرو لينا حياة هادية وفيها تفاهم وأمان وراحة هما دول الي يستاهلوا الحب هما دول الي هنكمل بيهم و عشانهم
مش عشان الحب
ودول رزق زيهم زي الصحة والمال والبنون.
انك تلاقي نصفك التاني اللي يخليك تعيش ليه وبيه رزق ياااارب يرزق الجميع بيه .
بس الاهم انكم تحبوا نفسكم اهم عشان تجذبوا ليكم الانسان اللي يستحقكم ويقدركم. وحبكم لنفسكم يبدأ بانكم متقبلوش ☟تٌَحَـتْ☟ اي وضع اقل م̷ـــِْن اللي تستحقوه ☟تٌَحَـتْ☟ اي وضع حتى لْـۆ بإسم الحب .
محدش يستاهل انك تحارب نفسك وروحك علشانه في الاخر هيبقى هو اول واحد يحاربك. بعد اما هتكون طاقتك خلصت زي خيل الحكومه .
وهو اول واحد هينهش فْيَگ اكتر من الغريب ويضربك بالنار .
برصاصة الرحمه. بإسم النصيب .
و الكلام ده مش خاص بالنساء فقط ولا موجه لشخص بعينه
ولكن بوجه عام لكلا الجنسين في اي علاقه .
محدش يقبل اقل م̷ـــِْن اللي يستحقه ايا كانت الاسباب احنا بنعيش الدنيا وهنعيشها مَـرّھٌ واحده مفيهاش اعاده علشان نضيعها في علاقات غلط بتأذينا نفسيا اكتر ما بتسبب لينا السعاده الشخص اللي بيتعمد اذيتك قول وفعل مبيحبكش مهما قال
، الشخص اللي بيبعد عنك وسهل يبيعك مبيحبكش مهما ندم ورجع
، الشخص اللي بتهون عليه مبيحبكش مهما برر،
اللي بيحبك هيحط نفسه مكانك ويشوف لْـۆ في مكانك هيقبل الاهانه والوجع اللي سببهولك قبل ما يحكم عليك والا لا
ده لْـۆ بيحبك
مفيش انسحاب م̷ـــِْن مشڱلھِ بيحلها
ده اسمه هروب
( واسألوا نفسكم سؤال)
لْـۆ النار مسكت في بيتك هتسيبها وتهرب وتقف تتفرج عليها م̷ـــِْن بعيد لحد ما تهدي لوحدها.
وساعتها هتكون اكلت كل حاجه في بيتك وحياتك ، والا هتجري وتتعب وتحاول تطفيها عشان تلحق اللي فاضل فِيَھ وتحافظ عليه.
اللي ساب النار تاكل فْيَگ الاخضر واليابس والحياة في عينك ووقف يتفرج
لٱ يستحق الا رماد ما تبقي مـڼـڱ
ولا تلوموا الا انفسكم
محدش بيتغير م̷ـــِْن فراغ.
التغيير بييجي بعد وجع وخيبه وخذلان ومرار وفقدان للثقة والامان.
بعد نضج واقتناع
ان لٱ احد يستحق محاربتك ڵـهٍ للحفاظ عليه
اما ان يحارب معك او تحاربه من اجل نفسك
يا تكسب حد نضيف في حياتك يحبك ويحترمك بجد يا تكسب نفسك
مفيش خساره في الحالتين.
منين هاييجي الحب في مجتمع ذكوري يؤيد عدم احترام المرأة او تقديرها علنا بالقول والفعل. ويسمي هذا ضعف وعدم رجوله
ويشجه الاهانه والسب والتقليل منـِْهـ♡̨̐ـِْا امام الجميع ويلقبها بالرجوله
دي همجية ونقص بعيده كل البعد عن الرجوله
واتخذوا في رسول •اللّـہ̣̥ أسوة حسنه.
لنا الله
عاملوا كما تحبون ان تُعاملوا
وكل ما هو متبادل بين الطرفين يدوم ويستمر ✨
هبة الله يوسف محمود سند
كاتبة وفنانة تشكيلية
والمستشار الاعلامي بجريدة الهرم المصري نيوز
🔥هہمہسہآتہ حہآئرة🔥
#همسات_حائرة
إرسال تعليق