هبة الله يوسف محمود سند
كاتبة وفنانة تشكيلية
المستشار الإعلامي بجريدة الهرم المصري نيوز
كتر الضرب بيعلم القوة
قالوا زمان إن الوجع بيعلم القوة..
قال يعنى دمعك ده اللي بيخلق القوة..
ربطوا الشجاعة بالكسرة و الخذلان..
من إمتى خلقت دمعتك قوة ..
ده الجرح كيف البحر
ودمعتك بركان..
بتنزل عـ الجراح وتكويها بلا رحمة ..
وتحولك يا بحر ، لصخر أقسى وأقوى مالأيام..
والروح بتصرخ مالألم...
يمكن !!!....
تطيب .. تخف ..تروق.
يمكن إيه !!..
ده البحر كله حيتان ......
فاكرين إن الوجع هايقومك تاني .....
لكن الألم والوجع بيحولوك
ضعيف ..
غلبان ..
من إمتى خلقت دمعتك قوة..
دي الروح سجينة الغدر
ودمعتك سجان ..
عمر الوجع ما هيخلق القوة..
دي القوة جوه الروح
مش محتاجه إستئذان..
كبير الوجع هيعلمك تقسى ..
والقسوة هي مرارة الحرمان..
*********
هحكيلكوا قصة واحدة م الكسرة
قالو عليها إتبدلت ، وإتغيرت
وحقيقي ده كان....
القسوة جبرتها تحارب روحها..
شافت كتير ،،
داقت كتير خذلان..
يوم ما الجراح والكسرة طالوها ..
داوت جروحها بإيدها
وده حرمان..
حرمان يقسي قلب عاش عمره
بيدى كتير للكل بلا حسبان..
*******
يوم مالقلوب تقسى
ده مش نهاية الكون..
بكره جراحها تلم كيف ماتكون..
بس الجراح فى الجسم ها تعلم
لكن الألم ها يروح مع الايام...
********
{ الضربه اللى مش بتموت بتقوي }
جمله سمعناها كلنا من زمان .
بس مفهومها غلط من وجهة نظري.
القوة دي جوة الإنسان ، في طباعة وتكوينه وشخصيته، ملهاش علاقة أبدًا بالغدر والخذلان والنفوس المريضة اللي بنتعامل معاها كلنا في حياتنا اليومية.
مش لازم تتضرب وتقع علشان تقوم لو إنت من جواك مش قادر وتمتلك القوة علشان تقوم ، عمرك ما هتقف على رجلك تاني .
ومع كل الأسف أعرف حالتين بشكل شخصي.
واحدة ربنا إفتكرها وراحت عند الرحيم الأرحم ع عباده من الكل، ربنا يرحمها برحمته ماتت من الحزن والأسف ع نفسها وحياتها صديقة طفولتي وع إسمي ربنا يرحمها ويسامحها ويغفر لها يارب.
وواحدة في عز شبابها حياتها ضاعت واتدمرت وبقت جثة تتنفس ع سريرها لا حول لها ولا قوة.
ربنا يعافيها ويعفوا عنها ويشفيها
وغيرهم أمثال كتير
الوجع والكسرة والخذلان مش نهاية الكون صحيح.
وصحيح بتغير فى طباع الإنسان بس عمرها ما هتوجد شيء لو مش موجود من البداية ، الغدر والخذلان والنكران ،
أى مرار ، وألم بيمر علينا بيقسينا
مش بيقوينا.
فترة نقاهة بعد كل جرح ، مهما كان عمق الجرح .
الوقت صحيح كفيل لإلتئام الجراح .
وحقيقي الجرح هيلم بس لازم يسيب علامه !!.
(علامه .. وعلام ..)
علامه تفكرك الدرس اللي إتعلمته.
مش للبكاء والنواح ، بس يعلمك للي جاى .
إن (إيدك) اللي إتعودت تمسح دموعك وتداوي جراحك هي الوحيدة اللي عمرها ما هتخذلك.
وهي الوحيدة اللي تستحق .
{ لازم الجراح فى الجسم هتعلم ...
بس الألم والوجع بيروح مع الأيام } .
🔥هہمہسہآتہ حہآئرة🔥
هبة الله يوسف محمود سند
كاتبة وفنانة تشكيلية
المستشار الإعلامي بجريدة الهرم المصري نيوز
🔥هہمہسہآتہ حہآئرة🔥
#همسات_حائرة
مجلة همسات حائرة للفنون والأدب
http://hamasat27.blogspot.com/2024/12/blog-post_43.html
سأصبر
ردحذف______
سأصبرُ حتى ألقاكِ
وارمي وجعي للبحرِ
وأزرع من شجون الليل
بذورَ الحبِّ والسَّمرِ
ليالي عشْتَها أحْلم
تبثُ صَداها للقمرِ
ومهما طوْل الليلُ
سأصْبُر حتى للفَجْرِ
ففي عينيكِ قد ألقى
ثمارُ العِشقِ والسَّهرِ
د\صلاح علامة