هبة الله يوسف محمود سند
كاتبة وفنانة تشكيلية
المستشار الإعلامي بجريدة الهرم المصري نيوز
رئيس مجلس إدارة مجلة همسات حائرة للفنون والأدب
باقي من السنه دي
يادوب حبة ساعات
وهطوي فيها
أحلى وأسوأ الذكريات
و افتح في كتاب حياتي
صفحه مليانه فرحة
وعوض من غير حساب
ورساله بإن رَبّـ❤ـيٌ
لدعايا إستجاب
قابلت ناس قلوبهم
سودة سواد السنين
قابلوا طيبة قلوبنا
غدر وجرح وأنين
خطفوا فرحة عيونّا
وسابونا مكسورين
قلبوا فرحة حياتنا
لليل مظلم حزين
بنداري وجع قلوبنا
ونظهر مبسوطين
بنخاف تظهر دموعنا
للناس الشمتانين
باقي حبة ساعات
و أقفل من عمري باب
مش هندم ع الحبايب
ولا هندم ع الصحاب
هاستنى فرح عمري
على قلبي يدق باب
و يقولي عيشي حلمك
ولا خوف ولا إعتراض
ولا عمري في يوم هفكر
للناس أحسب حساب
لا هشيل هم لحياتي
ولا أخاف من حد تاني
طول م الكريم في ضهري
هقفل ع الحزن باب
وأستنى رساله تيجي
تقولي بإنه إستجاب
ربي الكريم رضاكي
بعوض من غير حساب
على روحك النظيفه
و أصلك الكريم
علـى كل دمعة نزلت
علـى عمرك والسنين
هداكي ربي طلبك
على صبرك والعذاب
وداوى كسر قِلًبُكً♥
بعوض مـن غير حساب
هداكي ربي حلمك
حب وأهل وصحاب
🔥هہمہسہآتہ حہآئرة🔥
#همسات_حائرة
يارب أرزقني بفرحة يعجب لها من رحمتك أهل السماء والأرض إنك على ما تشاء قدير
عام سعيد يارب جديد عليا وعلى كل أهلي وأصحابي ومتابعيني وكل القلوب النظيفة الطيبه اللي عدت في حياتي
ربنا يسعد قلوبكم ويراضيكم اضعاف اضعاف ما تبغى نفوسكم
إرسال تعليق