بقلم مجدى الغول المستشار الإعلامي ومشرف عام جريدة الهرم المصرى نيوز
ركز فى المقال
مش هايغيير الخريطة الحزبية السياسية فقط لاء
الحزب دا هايكون حزب كل المصريين هااقولك ليه وهااقولك كمان خريطه الحزب دا فى الاعلام الرقمي وازاى هايغير النظرة المحلية والقارية والعالمية للاعلام المصرى
قوم اعملك فنجان قهوه وركز معايا
اولا ازاى الحزب دا هايغيير الخريطة الحزبية والسياسية
افتح مخك وركز
الحزب دا مكون من جميع اطياف وفئات الشعب من ابناء القبائل والعائلات
هاتقولى قبائل وعائلات هااقولك شد بوء قهوه وافهم مصر والعالم العربي كله عبارة عن قبائل وعائلات كل واحد فينا من عيله والعيله بتنتمى الى قبيلة يعنى علشان اوفر عليك الكلام والتشكيك وماتقولش قبائل وعائلات كل واحد فينا وكل مواطن فى مصر منتمى لعائلة او قبيلة بااختصار وفر تشكيكك لنفسك لان بكدا يبقى الحزب دا جمع كل طوائف وفئات الشعب تحت راية الدولة ولخدمة مصالح الدولة والمواطن
بس استني علشان تفهم اكتر اتحاد القبائل والعائلات المصرية دا كيان منفصل ومستقل عن الحزب لكن طبعا من الطبيعي انه هايدعم الحزب هاتقولى بسطحيه وبدون تفكير وايه يعنى هااقولك خد بوء قهوه تانى وركز معايا
اتحاد القبائل والعائلات المصرية تم تكوينه من الستينات يعنى على ارض الواقع بقاله اكتر من 60 سنة وتم تسميته بعده اسماء من ايام رحمه الله عليه الشيخ سالم الهرش الى الان وخد بوء قهوه تانى وركز علشان اقولك مين الشيخ سالم الهرش
دا شيخ مشايخ سيناء اللى كان السبب في عدم تدويل سيناء وعدم ضمها للكيان
هاتقوللى ازاى هااقولك الكيان كان بيستشهد بالشيخ سالم الهرش ان ارض سيناء ملك الكيان* وعملو إجتماع حضر فيه رؤساء دول العالم* والشيخ سالم اداهم على قفاهم وقال انها ارض مصريه وبكدا الشاهد اللى هما كانو جايبينه شهد ضدهم
طبعا انا عارف انك هاتقولى ياعم وانا مالى باالحكايه دى كلمنى عن الحزب
هااقولك خد بوء قهوه تانى وافهم عائلات وقبائل المحافظات الحدودية وليهم اقاربهم بكثرة في المحافظات الداخلية ناس اوفياء ومش بتوع مال سياسى ولا هاتدفع كام فى الصوت ولا هاتدينى كرتونه ولا فلوس
الناس دى شبعانه ابا عن جد عن جد جد يعنى لما هاينزلو يساندو الحزب عندهم استعداد يصرفو من جيبهم الافات
ودا اللى خلانى بااقولك انه هايغيير الخريطة الحزبية السياسية ونظره المواطنين للاحزاب
وخد الكبيرة بقى نواب الحزب دا هايكون ليهم وضع تانى خالص وكلمه جامده ورأى صائب دول مش هايكونو نواب موافقون موافقون نائب الحزب دا هايكون نائب حقيقى رقابة وتشريع وسن قوانين مش نائب خدمات
يعنى بااختصار هايكون صوت المواطن عند الدولة بجد
خد الكبيرة بقى قبل فنجان القهوه بتاعك مايخلص اخر إحصائية لاتحاد القبائل كانت 30 مليون عضو ودا كان من فترة قبل تدشين الحزب شوف بقى دلوقتى بقو كام
طبعا انا عارف انك زهقت وعايز تعرف الحزب دا هاتكون بصمته ايه فى الإعلام فى ظل الاعلام الرقمي
هااقولك بما انك خلصت فنجان القهوه ركز معايا أوى
الحزب دا انا متاكد انه هايعمل قناه والقناة دى هاتجمع نخبة من الاعلاميين الشباب الدارسين كل منهم فى مجاله سواء اقتصاد او سياسية او تجاره الخ الخ الخ
وهايكون عرض الموضوعات بشفافية ومصداقية كما نص ميثاق الشرف للاعلاميي والصحفيين
يعنى بااختصار هاتوصلك المعلومة الصحيحة في وقتها ومن مصدرها
وفى نفس الوقت هايكون الاعلام المضاد لقنوات اصحاب الاجندات و المتربصين باالامن القومى المصرى
حاجة اهم وها تبسطك كمواطن مش هايبقى فيه صورنى علشان تشوفنى والطع صوره واكدب وفرق خمسين شنطه وقول انا فرقت 5000
يعنى بااختصار المشاركات المجتمعية وتخفيف الاعباء هاتتنفذ كما قال السيد الرئيس عبد الفتاح السيسي باالظبط ودون تلاعب
طبعا علشان ممكن تكون من بتوع انا يهمنى بطنى وهاتقولى ياعم انا مالى انا عايز الكرتونه
هااقولك ماتقلقش الحزب دا ومعاه اتحاد القبائل هايخلوك عندك كرامة يابتاع بطنك انا متاكد هايتعمل منافذ بيع ثابتة وكتير فى كل محافظات مصر وهايكون البيع فيها ممكن يوصل لنصف سعر السلعة فهمت ياابو بطن
اظن انت ياعم يااللى فاهم كلامى وركزت فيه انا وضحتلك كل شيء وعندى استعداد اجاوبك على اى سؤال
اكتب سؤالك فى التعليقات وانا اجاوبك
نسيت اقولك انا بااتكلم بصفة ايه انا عضو الهيئة العليا لمجلس القبائل والعائلات المصرية اللى اصبح اسمه اتحاد القبائل
تحياتى واحترامى للجميع وانتظرونا مع جريدة الهرم المصرى نيوز والخريطه الحزبية الجديدة
إرسال تعليق